Haqqımızda Reklam
07 
Fev
2022
15:11
5
45
2192

Zaur Darğallı verdiyi daha bir neçə vədi yerinə yetirməyib - "Fact Check"

Zaur Darğallı Marneuli merliyinə namizəd olduğu zaman verdiyi daha 3 vədi yerinə yetirməyib. 24News.ge xəbər verir ki, bu barədə "Fact Check" təşkilatının ictimai-siyasi sahədə tanınan şəxslərin verdikləri vədləri yerinə yetirib-yetirmədikləri ilə bağlı analiz-hesabatında qeyd olunub. Hesabata əsasən, Zaur Darğallı 2019-cu ildə Marneuli merliyinə namizəd olduğu zaman, 2021-ci ilədək Marneuli şəhərinin iki böyük küçəsi, Səməd Vurğun və Şota Rustaveli küçələrində, eləcə də, mərkəzi körpüdə təmir-bərpa işlərinin aparalıcağına dair vəd verib, lakin bugünədək sözügedən ərazilərdə heç bir iş aparılmayıb. "Fact Check"in hesabatına görə bu küçələrin abadlaşdırılması üçün lazım olan vəsait Marneuli Bələdiyyəsinin 2021-ci il büdcəsində nəzərdə tutulmayıb, heç cari ilin büdcəsində də bu vəsaitlə bağlı hər hansı nüans yoxdur. Mərkəzi körpü və bir neçə daxili əhəmiyyətli yolun təmir edilməsi üçün isə bələdiyyə tərəfindən yalnız layihə-məsrəf sənədləri alınıb və təmir işləri üçün lazım olan məbləğ 2022-ci ilin büdcəsində nəzərdə tutulub. Xatırladaq ki, sözügedən təşkilat bundan əvvəl də Zaur Darğallının 9 kəndə su xətlərinin çəkiləcəyi və 11 kəndin daxili yollarının təmir olunacağı ilə bağlı verdiyi vədləri yerinə yetirmədiyi barədə məlumat paylaşmışdı.

www.24news.ge

(Şahidi olduğunuz hadisələri çəkib bizə göndərin!) 571798989