Haqqımızda Reklam
25 
Yan
2022
15:08
33
5
927

Hacı Zeynalabdin Tağıyevin heykəlinə zərər vuran şəxslər həbs edilib

Bakıda Hacı Zeynalabdin Tağıyevin heykəlinə zərər vuran şəxslər həbs edilib. 24News.ge xəbər verir ki, bu barədə Azərbaycanın Daxili İşlər Nazirliyi məlumat yayıb. Bildirilib ki, əməli törətməkdə təqsirləndirilən şəxslər - 1991-ci il təvəllüdlü Vüqar Tağızadə və 1996-cı il təvəllüdlü Allahverdi Məmmədli barəsində Səbail Rayon Məhkəməsinin qərarı ilə 2 aylıq həbs qətimkan tədbiri seçilib. Səbail Rayon Polis İdarəsinin İstintaq şöbəsində Cinayət Məcəlləsinin 221-cü (Xuliqanlıq) və 246-cı (Tarix və mədəniyyət abidələrini qəsdən məhv etmə və ya korlama) maddələri ilə istintaq hərəkətləri davam etdirilir. İstintaqın yekununda toplanan materiallar baxılması üçün məhkəməyə göndəriləcək. Xatırladaq ki, ötən həftə sosial şəbəkələrdə xeyriyyəçi Hacı Zeynalabdin Tağıyevin səbail rayonu ərazisində ucaldılan abidəsinin zədələnməsi barədə görüntülər yayılmışdı. Daha sonra heykəlin qoparılan elementi heykəltəraşın iştirakı ilə yerinə bərpa edilib.

www.24news.ge

(Şahidi olduğunuz hadisələri çəkib bizə göndərin!) 571798989