İlham Əliyev: “Zəngəzur dəhlizi haqqında nəinki danışırıq, əməli-praktiki işlərlə dəhlizi yaradırıq”

"Bu gün imzalanan Şuşa bəyannaməsi tarixi nailiyyətdiri". 24News.ge xəbər verir ki, bu sözləri Prezident İlham Əliyev bu gün Şuşada Türkiyə dövlət başçısı Rəcəb Tayyib Ərdoğanla keçirdiyi birgə mətbuat konfransında deyib. İ. Əliyev qeyd edib ki, sözügedən Bəyannamədə Zəngəzur dəhlizinin açılması ilə bağlı çox açıq ifadələr öz əksini tapıb: “Birincisi, müdafiə sənayesi sahəsində əməkdaşlıq və qarşılıqlı hərbi yardım məsələləri bu bəyannamədə öz əksini tapır. Bu tarixi nailiyyətdir. Biz bir daha göstəririk ki, bundan sonra da hər zaman bir yerdə olacağıq. Bundan sonra da bir-birimizin təhlükəsizliyini təmin edəcəyik. Necə ki, bu günə qədər Türkiyə və Azərbaycan bütün məsələlərdə bir yerdədir, bundan sonra da bu, belə olacaq. İkinci önəmli məsələ nəqliyyat və rabitə məsələsidir. Bəyannamədə Zəngəzur dəhlizinin açılması ilə bağlı çox açıq ifadələr öz əksini tapıb. Bu da İkinci Qarabağ müharibəsindən sonra yaranmış yeni geosiyasi vəziyyətin nəticəsidir. Bu gün biz Türkiyə və Azərbaycanı dəmir yolu ilə, avtomobil yolu ilə birləşdirəcək Zəngəzur dəhlizi haqqında nəinki danışırıq, əməli-praktiki işlərlə bu dəhlizi yaradırıq. Müttəfiqlik haqqında imzalanmış birgə bəyannamədə bu məsələnin əks olunması böyük məna daşıyır”, - deyə İ. Əliyev qeyd edib.

www.24news.ge

İlham Əliyev: “Zəngəzur dəhlizi haqqında nəinki danışırıq, əməli-praktiki işlərlə dəhlizi yaradırıq”

Digər xəbərlər