Haqqımızda Reklam


10 
Iyn
2021
14:21
14
7
1365

"Fakt-Metr" Əhməd İmamquliyevin Saakaşvili ilə bağlı iddiasını manipulyasiya adlandırıb

"Fakt-Metr" media layihəsi, Əhməd İmamquliyevin Mixeil Saakaşvilinin dövründə Gürcüstanda azərbaycandilli məktəblərin sayının qəsdən azaldılması ilə bağlı iddiasını manipulyasiya adlandırıb. 24News.ge xəbər verir ki, "Fakt-Metr" İmamquliyevin, Saakaşvili hakimiyyətə gələndə 180 azərbaycandilli məktəbin olduğu, hakimiyyətdən gedəndə isə buradan sadəcə 120-nin qaldığı xəbərini də səhv olduğunu bildirib. "Fakt-Metr"in tədqiqatında, Vətəndaş İnteqrasiyası və Millətlərarası Münasibətlər Mərkəzinin bazasında olan məlumata əsasən, 2004-2005-ci illərdə Gürcüstanda 150 azərbaycandilli məktəbin olduğu, 2014-cü ilin statistikasına əsasən isə 85 azərbaycandilli məktəbin olduğu qeyd olunub. Sözügedən tədqiqatda "Fakt-Metr" 2004-2014-cü illərdə Optimizasiya prosesi nəticəsində ümumi Gürcüstan üzrə 3500 məktəbdən 2084-nün qaldığını, yəni məktəblərin sayının 45% azaldıldığını bildirir və bu səbəbdən Əhməd İmamquliyevin sırf azərbaycandilli məktəblərin sayının azaldıldığı iddiasını manipulyasiya adlandırır. Xatırladaq ki, Əhməd İmamquliyev sözügedən məsələ ilə bağlı 24News.ge xəbər portalının "Sərbəst Müzakirə" verlişinin 24 aprel tarixində olan buraxılışı zamanı danışıb.

www.24news.ge