Marneulinin başı bəlalı stadionunu 2016-cı ildən bərpa edəcəklər desələr də etmədilər

2016-ci ildən etibarən, hakimiyyət nümayəndələri Marneuli mərkəzindəki stadionun bərpası barədə təqdimat həyata keçirsələr də bu günədək layihənin icrasına başlanılmayıb. 24News.ge xəbər verir ki, bu barədə Factcheek.ge səhifəsi xüsusi analiz hazırlayıb. Məlumata əsasən, 2016-ci ildə Marneulinin yerli özününidarəetmə orqanı parlament seçkilərindən 3 gün əvvəl, şəhər mərkəzindəki "Algeti Arena"nın təqdimat mərasimini həyata keçirərək qeyd olunub ki, stadion UEFA-nın ikinci kateqoriya standartına uyğun olaraq tikiləcək və 1 500 izləyici üçün nəzərdə tutulub. Həmin dövrdə stadionun tikintisinin başlanılması barədə Marneulinin keçmiş meri, Merab Topçişvili söhbət açıb. Daha sonra, isə majoritar deputat Tamaz Naveriani stadionun 2017-2020-ci illərdə tikiləcəyini bildirib. Sözügedən stadionun tikilməsinə dair məsələni Marneuli merliyinə keçmiş namizəd Zaur Darğallı da önə çəkib. O, bildirib ki, stadionun tikintisi üçün 10 milyon lari vəsait xərclənəcək. 2017-ci ildə ölkə qanunvericiliyində tikinti işləri ilə bağlı yeni qaydalar qüvvəyə minib. 2020-ci ilin 9 iyul tarixində isə hökumətin qərarı ilə stadion barədə yeni tender elan edilib. Sözügedən tenderdə "Construction Service" tikinti şirkəti qalib gəlib. 25 sentyabrda imzalanmış qərara əsasən, stadionun tikintisi üçün ayrılan büdcə 6 168 906 lari olaraq müəyyənləşdirilib. Şirkət tikinti işlərini 12 ay ərzində həyata keçirməli idi. Ancaq, bu günədək stadionun tikintisinə hələ də başlanılmayıb. Araşdırmaya əsasən, sözügedən tikinti firmasında səhimlərə malik olan şəxslərin hakim partiya ilə sıx əlaqələri mövcuddur. Onların hakim partiyaya müxtəlif ianələr ödədiyi bildirilir.

www.24news.ge

Marneulinin başı bəlalı stadionunu 2016-cı ildən bərpa edəcəklər desələr də etmədilər

Digər xəbərlər