Haqqımızda Reklam
01 
Mar
2021
17:08
19
3
997

Avropa Şurasının Prezidenti ilə görüşən müxalifət açıqladı: "Təzyiq göstərəcəyinə dair vəd əldə etdik"

“Gürcüstanda mövcud olan siyasi böhrandan çıxış yolu tapmaqda, Avropa Birliyinin son dərəcə aktiv olacağına və bunun üçün mümkün olan bütün yollarla təzyiq göstərəcəyinə dair Mişeldən vəd əldə etdik”. 24News.ge xəbər verir ki, bu sözləri "Vahid Milli Hərəkat"ın üzvü Salome Samadaşvili, Avropa Şurasının prezidenti Şarl Mişel ilə müxalifət arasında olan görüşdən sonra deyib. Onun sözlərinə görə, tərəfdaşlar, hökumətin insanları girov götürdüyü və siyasi liderləri həbs etdiyi zaman dialoqdan danışmağın mümkün olmadığını başa düşürlər: "Əgər Gürcü Arzusunda cənab Mişelin bu gün gəlib sabah gedəcəyi və bundan sonra ölkəmizdə baş verənlər və ölkənin böhrandan necə çıxması ilə maraqlanmayacağına dair xəyalları varsa, bu belə olmayacaq. Biz bu gün, Avropa Birliyinin böhrandan çıxış yolu tapmaqda son dərəcə aktiv olacağına və bunun üçün mümkün olan bütün yollarla təzyiq göstərəcəyinə dair vəd əldə etdik. Tərəfdaşlarımız çox yaxşı başa düşürlər ki, hökumətin insanları girov götürdüyü və siyasi liderləri həbs etdiyi zaman dialoqdan danışmaq mümkün deyil. Bu özlüyündə absurddur, onlar bunu çox yaxşı başa düşürlər”, - deyə Samadaşvili bildirib.

www.24news.ge