Haqqımızda Reklam
26 
Fev
2021
09:58
22
3
430

ABŞ-da və Britaniyada "Xocalıya ədalət!" tələbi ilə lövhələr yerləşdirilib

Diasporla İş üzrə Dövlət Komitəsinin dəstəyi ilə Xocalı soyqırımının 29-cu ildönümü ilə əlaqədar "Xocalıya ədalət!" tələbinin dünyanın müxtəlif ölkələrində nümayiş olunması davam etdirilir. 24News.ge xəbər verir ki, Britaniya-Azərbaycan İcmasının sədri Fəridə Pənahovanın təşəbbüsü ilə "Xocalıya ədalət!" tələbinin əks olunduğu lövhələr ölkənin Mançester və Brayton şəhərlərində yerləşdirilib. Bununla yanaşı ABŞ-ın paytaxtı Vaşinqton şəhərində də Amerika-Azərbaycan Cəmiyyətləri Konqresinin (Congress of Azerbaijani Societies of America – CASA) təşkilatçılığı və dəstəyi ilə şəhərin müxtəlif yerlərində Xocalı faciəsinin 29-cu ildönümü münasibətilə “Xocalı Azərbaycanlı mülki əhalinin ən böyük qətliamı olmuşdur” (Khojaly was the largest massacre of Azerbaijani civilians) lövhələri asılıb. Erməni silahlı birləşmələrinin 1992-ci il fevralın 25-dən 26-na keçən gecə azərbaycanlılara qarşı törətdikləri soyqırıma diqqəti cəlb etmək məqsədilə lövhədə https://justiceforkhojaly.org/ portalı da göstərilib. Hər iki şəhərdə "Xocalıya ədalət!" tələbinin iki həftə ərzində nümayiş olunması nəzərdə tutulub.

www.24news.ge

(Şahidi olduğunuz hadisələri çəkib bizə göndərin!) 571798989