Haqqımızda Reklam
23 
Fev
2021
14:41
46
4
3813

Saakaşvilidən kəskin sözləri: "Ölkə çökəcək və tamamilə dağılacaq"

“Gürcüstan tarixində, son onilliklərdə ana müxalifət partiyasının sədri və liderinin bu qədər vəhşicəsinə həbsi olmamışdır". 24News.ge xəbər verir ki, bu sözləri eks prezident Mixeil Saakaşvili müxalifət lideri Nika Meliyanın həbsini şərh edərkən deyib. Keçmiş prezident tezliklə Gürcüstandan heç nə qalmayacağını bildirib: “İvanişvilinin hakimiyyəti dövründə ölkəni 900 mindən çox insan tərk edib. Ölkə çökəcək və tamamilə dağılacaq. Bu, gürcü xalqının soyqırımıdır. Biz mübarizəni qələbə ilə nəticələndirməliyik və əminəm ki, bu, belə də olacaq. Lakin bu, çətin mübarizə olacaq”. O həmçinin "VMH" partiyasına edilən təzyiqlərin səbəbinin nə olduğunu soruşub: “Gürcüstanın tarixində, son onilliklərdə, ana müxalifət partiyasının sədri və liderinin bu qədər vəhşicəsinə, tamamilə uydurulmuş bir səbəblə həbs olunması heç vaxt olmamışdır. İvanişvilinin “Milli Hərəkat”a niyə bu qədər diqqət ayırdığını, “Milli Hərəkat” la niyə ən çox vuruşduğunu, niyə bu partiyanı məhv etmək və liderlərini həbs etmək üçün hər şeydən istifadə etdiyini anlamaq istəyirəm". Saakaşvili qeyd edib ki, müxalifət mübarizəni qələbə əldə olunana qədər davam etdirməlidir: “İvanişvilinin xüsusi təyinatlıları Gürcüstanı ağır vəziyyət, ümidsizlik və səfalətdən xilas etmək üçün mübarizə aparan bütün liderlərin yanına gedəcək. Bu vəziyyətdən çıxış yolu zəfər uğrunda mübarizə aparmaqdır", - deyə M. Saakaşvili bildirib.

www.24news.ge