Dini məsələlər üzrə dövlət agentliyinin rəhbəri islam din nümayəndələri ilə görüşüb

Dini məsələlər üzrə dövlət agentliyinin rəhbəri, Zaza Vaşağmadze, onun müavini Giorgi Uklebadze və agentliyin digər nümayəndələri şərqi Gürcüstanın yeni seçilmiş müftüsü Etibar Eminovla tanışlıq görüşü keçiriblər. 24News.ge xəbər verir ki, bu barədə məlumatı Dini məsələlər üzrə dövlət agentliyi yayıb. Baş tutan görüşdə həmçinin Gürcüstan müsəlmanlar idarəsinin şeyxi, Ramin İgidov da iştirak edib. Xatırladaq ki, keçmiş şərqi Gürcüstan müftisi Yasin Əliyevin səhətində yaranan problemlərdən dolayı istefasından sonra, 2020-ci ilin 21 dekabr tarixində sünni məzhəbinin müsəlmanlarının ali dini şurasının üzvlərinin qərarı ilə, şərqi Gürcüstan müftisi olaraq Etibar eminov seçilib. Qeyd edək ki, Etibar Eminov 1975-ci ildə Marneuli bələdiyyəsinin Daştəpə kəndində anadan olub. O, Marneulinin Şulaver qəsəbəsindəki rusdilli orta məktəbi bitirib. Dini təhsilini Türkiyə Respublikasının İstanbul şəhərində Elim və Hizmət, İlahiyyat adlı dini mətkəbdə alıb. Tədris dönəmində 1 il müddətində Suriyada praktikada olub. Marneulinin Xuldərə kəndindəki məscidin imamı vəzifəsində çalışıb. O, Sadaxlıda mədrəsə təsis edib və bu günədək oraya rəhbərlik edir. O, həmçinin Marneuli Bələdiyyəsinin müftüsü olub. 2016-cı ildən bu günədək müftünün Kvemo-Kartli bölgəsi üzrə nümayəndəsi vəzifəsini icra edib.

www.24news.ge

Dini məsələlər üzrə dövlət agentliyinin rəhbəri islam din nümayəndələri ilə görüşüb

Digər xəbərlər