Haqqımızda Reklam
25 
Yan
2021
15:10
11
21
1912

Marneulidə iki aydır ki, üç kəndin ictimai nəqliyyatı işləmir - Aidiyyatı qurumlar isə....

Marneuli rayonunun Yuxarı Qullar, Aşağı Qullar və Qırıxlı kəndində iki aydan artıqdır ki, ictimai nəqliyyat işləmir. 24News.ge xəbər portalına artıq məsələ ilə bağlı bir neçə dəfə vətəndaşlardan şikayətlər daxil olub. Sakinlər bildirirlər ki, rayon mərkəzinə getmək üçün qışın bu soyuq aylarında saatlarla yol kənarlarında durub, rayon mərkəzinə gedən avtomobilləri saxladırlar bir çox hallarda isə onları götürən olmur. Bu vəziyyət isə artıq üç kəndin sakinlərini çıxılmaz vəziyyətə salıb. Sözügedən problemlə bağlı Marneuli meriyası ilə əlaqə saxlasaq da onlar bu məsələyə Marneuli avtoparkının baxdığını bildirdilər. Marneuli avtoparkı isə xəbər portalımıza müsahibəsində mövcud problemlə bağlı yersiz arqumentlər gətirib: "Sözügedən xəttəki marşurut zədəli olduğuna görə, həmin xəttə marşurut bir müddətdir ki, hərəkət etmir. Pandemiyadan irəli gələrək, bir sıra məhdudiyyətlər var və son zamanlar işlər çətin olduğu üçün dəqiq marşut xəttinin bərpası haqda birşey deyə bilməyəcəm. Çalışacağıq ki, ən qısa zamanda sözügedən problemi aradan qaldıraq", - deyə avtoparkın direktoru Qriqol Jaqalonia deyib. Qeyd edək ki, Marneulidə pandemiya səbəbindən ictimai nəqliyyatla bağlı hazırda hər hansı bir məhdudiyyət yoxdur. İctimai nəqliyyatın təmir olunması ilə bağlı vəziyyətdə yenə eyni cürdür. İstənilən avtomobil təmir mərkəzləri də öz fəaliyyətlərini davam etdirirlər. Belə olan halda isə, istər Marneuli meriyası istərsə də avtopark rəhbərliyi mövcud problemin aradan qaldırılması üçün çalışsalar, mövsümün bu soyuq aylarında vətəndaşlar yol kənarlarında qalıb əziyyət çəkməzlər.

www.24news.ge