Haqqımızda Reklam
18 
Yan
2021
13:16
8
20
2343

Qamqrelidze məhdudiyyətlərin yumşaldılması planını açıqladı

"Məhdudiyyətlər dərhal deyil, mərhələli şəkildə aradan qaldırılacaq". 24News.ge xəbər verir ki, bu barədə Xəstəliklərə Milli Mərkəzin rəhbəri Amiran Qamqrelidze açıqlama verib. Onun sözlərinə görə, Baş nazir Giorgi Qaxaria, Səhiyyə və İqtisadiyyat nazirliklərinə məhdudiyyətlərin mərhələli şəkildə açılmasına dair bir planın tərtib olunmasını tapşırıb: “Baş nazir Giorgi Qaxaria, Səhiyyə və İqtisadiyyat Nazirliyinə yazda olduğu kimi, məhdudiyyətlərin indi də mərhələli şəkildə açılmasına dair planın 2 gün ərzində hazırlanması ilə bağlı tapşırıq verib. Sözügedən planın əsas məqsədi, tətbiq olunan məhdudiyyətlərin bir anda deyil, mərhələli şəkildə açılması olacaq. Misal üçün, hansısa sahənin ilk olaraq açılmasına qərar veriləcək, bundan sonra həmin sahənin açılmasının yoluxmaya nə cür təsir edilməsi 1-2 həftə müşahidə olunacaq və müşahidədən sonra ikinci etapda digər məhdudiyyətlərin yumşaldılması ilə bağlı müvafiq qərar veriləcək. Bütün bunlar isə fevral ayının ortalarından etibarən qabaqcıl testlərin əlçatan olması və peyvənd olunma imkanı ilə paralel olaraq həyata keçirilməlidir”, - deyə Qamqrelidze bildirib Xatırladaq ki, Gürcüstanda məhdudiyyətlərin fevral ayından etibarən yumşaldılması gözlənilir.

www.24news.ge