ABŞ və Avropa İttifaqının səfirləri ilə görüşən müxalifət lideri danışdı

Bu gün ABŞ və Avropa İttifaqını Gürcüstandakı səfirləri və ölkənin müxalifət partiyalarının liderləri bir araya gəliblər. 24News.ge xəbər verir ki, görüşdə iştirak edən "Avropalı Gürcüstan"ın lideri, Davit Bakradze jurnalistlərin suallarını cavablayıb. Onun sözlərinə görə, səfirlərlə görüş zamanı müxalifət öz tələblərini sənəd formasında onlara təqdim edib. "Müxalifətin səsləndirdiyi bütün tələblər, həmçinin ölkənin önə getməsi və böhranın yatırılması ilə bağlı bütün düşüncələrimizi detallı şəkildə, yazılı sənəd formasında səfirlərə təqdim etdik. Bizim onlardan xaişimiz o oldu ki, bunu olduğu kimi Gürcü Arzusuna çatdırsınlar və onlardan da bu cür rəsmi cavab gözləyirik. Mən bu sənədin konkret olaraq nəyə aid olduğunu deyə bilmərəm. Çünkü bizim dostlarımızın (ABŞ və Avropa İttifaqı səfirləri) xaişi belə oldu ki, Gürcü Arzusu tərəfindən rəsmi cavab gələnədək detallar barəsində danışmayaq. Ancaq onu deyə bilərəm ki, təklifimiz bu günədək müxalifətin bəyan etdiyi prinsiplərlə bağlıdır,"-deyə Davit Bakradze bildirib. Qeyd edək ki, parlamentdə mandat qazanmış 8 müxalifət partiyası, seçkilərin nəticələrini tanımadıqların və parlament mandatlarından imtina etdiklərini bildirirlər. Müxalifət ölkədə təkrar parlament seçkilərinin keçirilməsini tələb edir.

www.24news.ge

ABŞ və Avropa İttifaqının səfirləri ilə görüşən müxalifət lideri danışdı

Digər xəbərlər