Təcili - Koordinasiya Şurası iclas keçirdi - Yeni qərarlar var

"Hökumətin təyin etdiyi 2 aylıq məhdudiyyətlər planı çərçivəsində ölkə daxilində intensiv test proqramı həyata keçiriləcək. Bu gün keçirilən iclasda Baş nazir tərəfindən peyvənd mərhələsinə hazırlaşmaq üçün xüsusi bir işçi qrupu yaradılıb". 24News.ge xəbər verir ki, bu barədə ölkənin Dövlət Qurumlarıarası Koordinasiya Şurasından bildirilib. İclasda qeyd olunub ki, dövlət gündə 20 minə yaxın test keçirəcək, buna özəl laboratoriyaların göstəriciləri əlavə olunacaq. Eyni zamanda, cavabı təxminən 20 dəqiqədə veriləcək antigen əsaslı testlərin istifadəsi xüsusilə genişləndiriləcək. Hökümət başçısı yaradılan çətin epidemioloji vəziyyətə görə, gündəlik olaraq artan test sayının daha çox yoluxmuş şəxsin aşkarlanmasına kömək edəcəyini, bunun da virusun yayılmasını ləngitəcəyini və vəziyyəti mümkün qədər sabitləşdirəcəyini qeyd edib. Nazir bildirib ki, bu da yüngül və daha az xəstə olan şəxslərin özünütəcrid olunmasını təmin edəcək və təcili yardım xəstəxanalarına ağır və kritik vəziyyətdə olanlar yerləşdirləcək. Ayrıca, Şuranın qərarına görə, Gürcüstan vətəndaşları üçün ölkəyə giriş rejimi də dəyişdiriləcək: Açıqlamaya görə, ölkəyə daxil olan və mənfi PCR testi gətirməyən bir vətəndaş artıq məcburi karantin otelinə aparılmayacaq, ancaq öz evində 12 gün özünütəcrid etməli olacaq. Ölkəyə gəldikdə 72 saat ərzində alınan PCR testin mənfi cavabını təqdim edən vətəndaşlara gəldikdə isə onlar 8 gün ərzində evlərində özlərini təcrid edəcəklər. Ayrıca, özünü təcrid etmək imkanı olmayan vətəndaşlar üçün dövlət müvafiq karantin otellərində yer təmin edəcək. İclasda peyvəndləmə mərhələsinə hazırlıq işlərinin gedişi də müzakirə olunub: Baş nazirin tapşırığına əsasən, peyvəndin vaxtında çatdırılması və həm infrastruktur, həm də maddi-texniki baxımdan ölkəni peyvənd prosesinə hazırlamaq üçün bütün hazırlıq işlərini özündə birləşdirən bütün müvafiq qurumların iştirakı ilə prosesi səmərəli idarə etmək üçün xüsusi işçi qrupu yaradıldı. İclasda xəstəxana sektorundakı pulsuz çarpayılarla əlaqədar mövcud vəziyyət və əlavə reanimasiya çarpayılarının səfərbər edilməsi üçün atılacaq addımlar da müzakirə edilib. Ayrıca, hökumət başçısının tapşırığı ilə maska taxma və hərəkət məhdudiyyətləri də daxil olmaqla 2 aylıq plan çərçivəsində tətbiq olunan məhdudiyyətlərin yerinə yetirilməsinə nəzarət daha da ciddi nəzarət altına alınacaq. İcra tədbirləri barədə Daxili İşlər Nazirliyi və Əmək Müfəttişliyi İdarəsinin rəisi tərəfindən İdarə Heyəti üzvlərinə ətraflı məlumatlar verilib.

www.24news.ge

Təcili - Koordinasiya Şurası iclas keçirdi - Yeni qərarlar var

Digər xəbərlər