Son Dəqiqə! Azərbaycan və Ermənistan müvəqqəti humanitar atəşkəsə razılıq verib

Azərbaycan Respublikası və Ermənistan Respublikası 18 oktyabr yerli vaxtla saat 00:00 dan etibarən müvəqqəti humanitar atəşkəsə razılıq veriblər. 24News.ge xəbər verir ki, bu barədə Azərbaycanın Xarici İşlər Nazirliyi məlumat yayıb. Qərar ATƏT-in Minsk Qrupu həmsədr ölkələrini təmsil edən Amerika Birləşmiş Ştatları, Fransa Respublikası və Rusiya Federasiyasının Prezidentlərinin 1 oktyabr 2020-ci il tarixli bəyanatı, ATƏT-in Minsk Qrupu həmsədrlərinin 5 oktyabr tarixli bəyanatına əsasən və 2020-ci ilin 10 oktyabr tarixli Moskva bəyanatına uyğun olaraq qəbul edilib. Qeyd edək ki, XİN mətbuat katibi Leyla Abdullayeva CNN Türk kanalına müsahibəsində deyib ki, bu müvəqqəti atəşkəsdir. O deyib ki, humanitar atəşkəs yalnız ölənlər və əsirlər üçün nəzərdə tutulub, Azərbaycan ordusu öz torpaqlarını azad etməkdə davam edəcək.

www.24news.ge

Son Dəqiqə! Azərbaycan və Ermənistan müvəqqəti humanitar atəşkəsə razılıq verib

Digər xəbərlər