Haqqımızda Reklam
28 
Sen
2020
15:18
33
4
1456

Marneuli rayonunun Algeti kənd sakinləri etiraz aksiyası keçirdilər (FOTO)

Bu gün Marneuli rayonunun Algeti kənd sakinləri Marneuli meriyası önündə etiraz aksiyası keçiriblər. 24News.ge xəbər portalına müsahibə verən kənd sakinləri, aksiyanın səbəbini kəndin otlaq sahələrinin bir neçə nəfər tərəfindən alınaraq özəlləşdirilməsi olduğunu deyiblər. Kənd sakinləri qeyd ediblər ki, hazırda 200 hektardan artıq torpaq sahəsi 6 nəfərin əlində cəmləşib, sakinlər isə nə mal qarasını otaramaq üçün, nə də əkin-biçin üçün torpaq tapa bilmirlər. Onlar bu barədə yerli hakimiyyətə dəfələrlə müraciət etdiklərini, lakin onların müraciəti ilə maraqlanan olmadığını və çıxış yolunu aksiya keçirməkdə gördüklərini bildiriblər. Aksiya zamanı Marneuli merinin səlahiyyətlərini icra edən Zaur Tabatadze və mer müavini Laşa Lobcanidze vətəndaşlar qarşısına çıxaraq məsələnin müzakirəsi üçün onlardan bir neçə nəfərin çağrılacağını bildirib. Qeyd edək ki, meriyanın önündə baş tutan aksiya zamanı "Avropalı Gürcüstan" partıyasının Marneuli-Qardabani üzrə majoritar namizədi Əhməd İmamquliyev də gələrək vətəndaşlara öz dəstəyini nümayiş etdirib.

www.24news.ge