Arçil Talakvadze: "Berlin divarının yıxılmasından 30 il sonra Rusiya Gürcüstanda bir sədd divarını qoruyur"

"Berlin Divarının yıxılmasından 30 il sonra Rusiya təəssüf ki, Gürcüstanda tikanlı məftil divarını qoruyur". 24News.ge xəbər verir ki, bu barədə parlamentin sədri Arçil Talakvadze qanunverici orqanın illik məruzəsi zamanı nitqlə danışarkən deyib. Gürcüstanın İşğal olunmuş ərazilərdəki vəziyyətindən danışan spiker, abxazları və osetinləri Gürcüstanda yaradılan bütün fürsətlərdən istifadə etməyə çağırıb. "Gürcüstan, tarixində dəfələrlə olduğu kimi, çətin durumlarla üzləşib. Gürcüstan bölgələrinin işğalı davam edir, nəticədə gündəlik qaçırma, qətl, qaçaqmalçılıq, hərəkətin məhdudlaşdırılması, qanunsuz saxlanma, ana dilində təhsilə qoyulan qadağa və digər ağır qanun pozuntuları. Bütün bunlara cavabımız beynəlxalq dəstəyi, Avropa və Avro-Atlantik inteqrasiya, iqtisadi inkişaf, enerji təhlükəsizliyi və demokratik təsisatlarını gücləndirməklə daha yaxşı bir gələcəyə doğru addım atmaqdır. Rus işğalı isə bu bölgələri hərbi bazaya və gələcəyin olmamasına çevirərək humanitar böhran içində qoymuşdur",-deyə A.Talakvadze bildirib. Parlamentin sədri deyib ki, Berlin divarının yıxılmasından 30 il sonra Rusiya təəssüf ki, Gürcüstanda insanları süni şəkildə ayıran tikanlı məftillər divarını qoruyur: "Bu divar zamana və beynəlxalq hüquqa ziddir. Abxaz qardaşlarımızı mütləq geri qaytaracağıq və bu nəsil ölkəni birləşdirə biləcəkdir. Abxaz və osetin soydaşlarımıza bir daha demək istəyirəm, Gürcüstanda ölkənin inkişafı və Avropaya inteqrasiya yolu ilə yaratdığımız bütün fürsətlərdən faydalanmaq imkanınız var. Bununla fəxr edə bilərsiniz və bu fürsətlərdən yararlanın".

www.24news.ge

Arçil Talakvadze: "Berlin divarının yıxılmasından 30 il sonra Rusiya Gürcüstanda bir sədd divarını qoruyur"

Digər xəbərlər