Haqqımızda Reklam
26 
Yan
2019
08:15
21
9
802

Gürcü tarixçi: Erməniyə qoyulan büst ölkə maraqlarına ziddir

Gürcüstan vətəndaşlarının digər ölkələrin işğal olunmuş ərazilərində döyüş əməliyyatlarında iştirakı yolverilməzdir. Eləcə də həmin insanların adlarının əbədiləşdirilməsi və onlara büst qoyulması həm yerli qanunlara, həm də beynəlxalq hüquqa ziddir. 24News.ge xəbər verir ki, bu sözləri müsahibəsində gürcü politoloq, tarixçi alim Quram Marxuliya söyləyib. Politoloq deyib: “Axalkaliki rayonunun Buğaşen kəndində anadan olmuş, bir müddət Abxaziyada yaşamış Gürcüstan vətəndaşı Mixail Avaqyan sonradan hansı yolla və hansı məqsədlə Ermənistana keçdiyi mənə məlum deyil. Amma Ermənistanın Abxaziya məsələsində gürcülərə, eləcə də, Dağlıq Qarabağda azərbaycanlılara qarşı hansı cinayətlər törətdiyi hamıya yaxşı məlumdur. Bu baxımdan da Mixail Avaqyan Dağlıq Qarabağda törətdiyi cinayətlər sirr deyil. Hesab edirəm ki, belə bir adama abidə qoymaq bizim xalqlarımıza qarşı təxribatdan başqa bir şey deyil”. Alimin sözlərinə görə, Gürcüstan hökuməti bu məsələyə ciddi yanaşmalıdır. Azərbaycan ilə Gürcüstan arasındakı dostluğa, qardaşlığa, strateji tərəfdaşlığa zərbə vuracaq heç bir addıma yol vermək olmaz. Nəzərə alınmalıdır ki, ermənilər bundan əvvəl də Cavaxetiyada kiməsə abidə ucaldıblar. Bunların heç birinin gürcü xalqı və Gürcüstan hökuməti qarşısında hər hansı xidməti olmayıb. M.Avaqyan hətta Gürcüstan dövlətinin milli maraqlarına zidd olaraq bizə yaxın olan bir xalqa qarşı vuruşub. Nə üçün belə bir adama Gürcüstan ərazisində abidə qoyulmalıdır? Mən bunu anlaya bilmirəm. “Düşünürəm ki, bu cür təxribatçı addımların qarşısı alınmalıdır”, – deyə Marxuliya vurğulayıb. Qeyd edək ki, yanvarın 20-də Gürcüstanın Axalkalaki rayonunun Buğaşen kəndində erməni terrorçu, Azərbaycanın Dağlıq Qarabağ bölgəsində erməni silahlı birləşmələrinin tərkibində döyüşmüş Mixail Avaqyana abidə qoyulub. Mənbə Azərtrac

www.24news.ge