Marneulidə 2 nəfərin ölümü ilə nəticələnən avtomobil qəzasının anbaan görüntüləri (VİDEO)

Bu gün, axşam saat 19:00 radələrində Marneuli-Sadaxlı magistralının Tsereteli kəndi yaxınlığında baş verən ağır yol qəzasının görüntülərini sizə təqdim edirik. 24News.ge xəbər portalına verilən məlumata görə, qəza zamanı xəsarət alan bir iki uşaq və bir qadının vəziyyəti hələki ağırdır. Az yaşlı uşağın vəziyyəti ağır olduğundan artıq o paytaxt Tbilisiyə aparılır. Xatırladaq ki, baş verən qəza zamanı "VAZ-21 07" markalı avtomobil ötmə əməliyyatını həyata keçirərkən qarşıdan gələn ford markalı avtomobillə toqquşub, zərbənin təsirindən arxadan gələn daha bir ford markalı avtomobilə çırpılıb. Ağır qəza nəticəsində "VAZ-2107" markalı avtomobil çevrilib, sözügedən avtomobilin sürücüsü hadisə yerindəcə dünyasını dəyişib. Qəza zamanı avtomobillərdə olan 2 nəfər qadın və 2 uşaq ağır bədən xəsarətləri alıblar. Yaralılardan biri orta yaşlı qadın xəstəxanaya aparılarkən dünyasını dəyişdiyi bildirilir. Şahidlərin əməkdaşımıza verdiyi məlumata əsasən, qəzada iştirak edən hər 3 avtomobil Marneuli sakinlərinə məxsusdur. Şahidlərin verdiyi məlumata görə, qəza hadisəsi baş verən əraziyə təcili tibbi yardım çağırılsa da 35-40 dəqiqə sonra gəlib elə bu səbəbdən də vətəndaşlar yerdə qalan yaralıları öz avtomobilləri ilə xəstəxanaya çatdırıblar. Hadisə yerinə gələn polis patrul xidməti qəza hadisəsi ilə bağlı araşdırma aparır.

www.24news.ge

Marneulidə 2 nəfərin ölümü ilə nəticələnən avtomobil qəzasının anbaan görüntüləri (VİDEO)

Digər xəbərlər