Anakliya limanında ilk gəmi 2029-cu ildə qəbul ediləcək

Anakliya dərin dəniz limanında ilk gəmi 2029-cu ildə qəbul ediləcək. 24News.ge xəbər verir ki, bu barədə iqtisadiyyat və davamlı inkişaf naziri Mariam Kvrivişvili açıqlama verib. Onun sözlərinə görə, dövlət layihənin həyata keçirilməsi üzrə müəyyən edilmiş plana tam uyğun şəkildə irəliləyir. Nazir qeyd edib ki, Anakliya limanının tikintisi Landlord modeli əsasında həyata keçiriləcək. Bu modelə əsasən, limanın 100 faiz mülkiyyəti dövlətə məxsus olacaq, quru və konteyner yükləri üçün nəzərdə tutulan terminallar isə uzunmüddətli icarə əsasında beynəlxalq tərəfdaşlara veriləcək. Kvrivişvilinin sözlərinə görə, Landlord modeli dünyada ən uğurlu liman idarəetmə mexanizmlərindən biri hesab olunur və Belçika, Sinqapur, ABŞ, Almaniya, Niderland və Fransa kimi ölkələrdə uğurla tətbiq edilir. O vurğulayıb ki, Gürcüstan da 2029-cu ildən etibarən bu modeli tətbiq edən ölkələr sırasında yer alacaq. Nazir bildirib ki, hazırda Anakliya limanının tikintisi aktiv mərhələdədir. Onun sözlərinə görə, dövlət limanın fəaliyyəti üçün əsas əhəmiyyət daşıyan dənizin dərinləşdirilməsi və dalğaqıran infrastrukturunun inşasını öz üzərinə götürüb və bu istiqamətdə işlər artıq başlayıb. Kvrivişvili əlavə edib ki, Landlord modelinə keçidlə əlaqədar layihənin yenilənmiş baş planı hazırlanır. Onun sözlərinə görə, "Orta Dəhliz" üzrə yükdaşımaların həcminin artması nəzərə alınaraq, layihənin birinci mərhələsində nəzərdə tutulan güclərin artırılması qərara alınıb. Nazir hesab edir ki, bu dəyişikliklər sayəsində Gürcüstan ilkin mərhələdən etibarən əvvəl planlaşdırıldığından daha çox yük qəbul etmək, emal etmək və tranzitini təmin etmək imkanına malik olacaq.

www.24news.ge

Anakliya limanında ilk gəmi 2029-cu ildə qəbul ediləcək

Digər xəbərlər