მარნეულში ხელოვნების გამოფენა და საინფორმაციო სესია სახელწოდებით „განთავისუფლებიდან გამარჯვებამდე“ გაიმართა

მარნეულში, „აზერბაიჯანის სახლისა“ და საქართველოში აზერბაიჯანელთა ინტეგრაციის ცენტრის ინიციატივითა და ორგანიზებით, 15 ივნისის - აზერბაიჯანის ეროვნული განთავისუფლების დღისადმი მიძღვნილი ხელოვნების გამოფენა და საინფორმაციო სესია სახელწოდებით „განთავისუფლებიდან გამარჯვებამდე“ გაიმართა. 24News.ge იუწყება, რომ ღონისძიებას ესწრებოდნენ საქართველოში აზერბაიჯანის საელჩოს განათლების საკითხებში მრჩეველი ფუად ჩირაგოვი, აზერბაიჯანის რესპუბლიკის მეცნიერებისა და განათლების სამინისტროს მეცნიერებისა და უმაღლესი განათლების სააგენტოს წარმომადგენლები, „სწავლა აზერბაიჯანში“ პროექტის თანამშრომლები, ასევე მსურველი სტუდენტები და მასწავლებლები. ღონისძიება აზერბაიჯანელი ხალხის ეროვნული ლიდერის, ჰეიდარ ალიევის ხსოვნისადმი წუთიერი დუმილით დაიწყო. გამოსვლების დროს ხაზი გაესვა 15 ივნისის - ეროვნული ხსნის დღის განსაკუთრებულ ადგილსა და მნიშვნელობას აზერბაიჯანის სახელმწიფოებრიობის ისტორიაში. აღინიშნა, რომ ამ ისტორიულმა დღემ მნიშვნელოვანი როლი ითამაშა ქვეყანაში სოციალურ-პოლიტიკური სტაბილურობის აღდგენაში, სახელმწიფოებრივი დამოუკიდებლობის შენარჩუნებასა და განმტკიცებასა და მდგრადი განვითარების უზრუნველყოფაში. გამოფენის გახსნის ცერემონიაზე სიტყვით გამოსვლისას, აზერბაიჯანის სახლის დირექტორმა მაჰაბატ იმანოვმა აღნიშნა, რომ ეროვნული ხსნის დღე აზერბაიჯანის სახელმწიფოებრიობის ხსნისა და განვითარების გზაზე გარდამტეხი მომენტია. მან თქვა, რომ ხალხის თხოვნით პოლიტიკურ ხელისუფლებაში დაბრუნებისას, ეროვნული ლიდერის, ჰეიდარ ალიევის, შორსმჭვრეტელი პოლიტიკის შედეგად, ქვეყანაში გამეფებული პოლიტიკური კრიზისი და ქაოსი აღმოიფხვრა და აზერბაიჯანი სტაბილურობისა და პროგრესის გზას დაადგა. მაჰაბათ იმანოვის თქმით, ამ პოლიტიკურ კურსს წარმატებით აგრძელებს აზერბაიჯანის რესპუბლიკის პრეზიდენტი, ილჰამ ალიევი და ქვეყანა ზრდის თავის გავლენას საერთაშორისო საზოგადოებაში, რაც კიდევ უფრო ამყარებს თავის პოზიციას, როგორც რეგიონში ერთ-ერთი წამყვანი სახელმწიფოსი. ღონისძიების ფარგლებში გამოიფინა ცენტრის ხელოვნების მასწავლებლის, ხაიალა მუსტაფაევას ნახატები. გამოფენაზე წარმოდგენილმა ნამუშევრებმა მონაწილეების, განსაკუთრებით კი ახალგაზრდების დიდი ინტერესი გამოიწვია. აღინიშნა, რომ გამოფენას დიდი მნიშვნელობა აქვს ეროვნული ხსნის დღის ისტორიული მნიშვნელობის პოპულარიზაციისა და პატრიოტული ღირებულებების დანერგვის თვალსაზრისით. ღონისძიების ფარგლებში, მეცნიერებისა და უმაღლესი განათლების სააგენტოს წარმომადგენლის, ჰაჯარ კელაბიევას და „სწავლა აზერბაიჯანში“ პროექტის პასუხისმგებელი თანამშრომლის, შაბნამ საფაროვას მონაწილეობით, გაიმართა საინფორმაციო სესია თემაზე „საგანმანათლებლო შესაძლებლობები აზერბაიჯანში“. მომხსენებლებმა წარმოადგინეს პრეზენტაციები, სადაც დეტალური ინფორმაცია მიაწოდეს აზერბაიჯანის უმაღლესი განათლების სისტემის, არსებული საგანმანათლებლო პროგრამებისა და სტუდენტებისთვის შექმნილი შესაძლებლობების შესახებ. საინფორმაციო სესიის დასასრულს, მონაწილეებისთვის საინტერესო კითხვებს უპასუხეს და მათ აზერბაიჯანში საგანმანათლებლო შესაძლებლობების ამსახველი საინფორმაციო მასალები გადაეცათ.

www.24news.ge

სხვა სიახლეები