ყოფილი ელჩი დურსუნ ჰასანოვი გარდაიცვალა

აზერბაიჯანის ყოფილი საგანგებო და სრულუფლებიანი ელჩი საქართველოში დურსუნ ჰასანოვი გარდაიცვალა. 24News.ge იუწყება, რომ დურსუნ ჰასანოვი ბაქოში, საკუთარ სახლში გარდაიცვალა. გავრცელებული ინფორმაციით, გარდაცვლილს ბაქოში დაკრძალავენ. ცნობისთვის, დურსუნ აივაზ ოღლუ ჰასანოვი, წარმოშობით მარნეულის მუნიციპალიტეტის სოფელ ალგეთიდან არის. დიპლომატიური კარიერა 1990-იანი წლების შუა პერიოდში დაიწყო და სხვადასხვა თანამდებობაზე მუშაობდა. ის სტამბოლში აზერბაიჯანის გენერალურ საკონსულოში, ასევე რუსეთსა და თურქეთში დიპლომატიურ მისიებში მუშაობდა. 2015 წელს იგი დაინიშნა აზერბაიჯანის ელჩის მოადგილედ საქართველოში და მიენიჭა მეორე კლასის საგანგებო და სრულუფლებიანი ელჩის დიპლომატიური რანგი. 2017 წელს მან აზერბაიჯანის ელჩის რწმუნებათა სიგელები, როგორც საქართველოში აზერბაიჯანის ელჩმა, საქართველოს პრეზიდენტს, გიორგი მარგველაშვილს გადასცა. ელჩად მუშაობის პერიოდში მან მონაწილეობა მიიღო აზერბაიჯან-საქართველოს ურთიერთობების განვითარებისადმი მიძღვნილ მრავალ შეხვედრაში, განსაკუთრებით ენერგეტიკის, ტრანსპორტისა და ეკონომიკური თანამშრომლობის პროექტების ხელშეწყობის საკითხებზე.

www.24news.ge

ყოფილი ელჩი დურსუნ ჰასანოვი გარდაიცვალა

სხვა სიახლეები