Tbilisidə 4 oktyabr hadisələri üzrə təqsirləndirilən 8 nəfər azadlığa buraxılıb

Tbilisidə 4 oktyabr tarixində Ateneli (Prezident) sarayının yaxınlığında baş verən hadisələrlə bağlı təqsirləndirilən 8 nəfərlə prokurorluq arasında prosessual razılaşma əldə olunub. 24News.ge xəbər verir ki, məhkəmə qərarına əsasən, Eva Şanşiaşvili, Aleksandre Qoqoladze, Qoça Kataşvili, Sulxan Abralava, Ramaz Corbenadze, Candri Tirkia, Genadi Kelixaşvili və Dato Ğutskaiaya 3 il müddətinə şərti cəza verilib. Hakim tərəflər arasında əldə olunmuş razılaşmanı təsdiqləyib. Bunun ardından təqsirləndirilən şəxslərdən yeddisi məhkəmə zalından azadlığa buraxılıb. Eva Şanşiaşvili isə daha əvvəl girov müqabilində sərbəst buraxıldığı üçün məhkəmə qərarı onun statusunu dəyişməyib. Prokurorluq təqsirləndirilən şəxslərin ittihamı qəbul etməsi və iş üzrə sübutları mübahisələndirməməsindən sonra prosessual razılaşmaya razılıq verib. Qeyd olunan cinayət işi üzrə ümumilikdə 15 nəfərə ittiham irəli sürülmüşdü. Onlardan 7-si – Giorgi Çaxunaşvili, İa Daraxvelidze, Zakro Albutaşvili, David Cğenti, Konstantine Kokaia, Kaxaber Mjavanadze və David Sturua ittihamı qəbul etməyib. Bu səbəbdən onların işi üzrə məhkəmə araşdırması hakim Giorgi Gelaşvilinin sədrliyi ilə davam etdiriləcək. İttihama görə, təqsirləndirilən şəxslər strateji və xüsusi əhəmiyyətli obyektlərin ələ keçirilməsi və blokadaya alınmasına cəhd, həmçinin qrup halında zorakılıqda iştirak etməkdə günahlandırılırlar. Məlumata görə, 4 oktyabr hadisələri ilə əlaqədar ümumilikdə 64 nəfər cinayət məsuliyyətinə cəlb olunub. Hazırkı mərhələdə 22 nəfərlə prosessual razılaşma bağlanıb, onlardan 7-si bu gün məhkəmə zalından azad edilib.

www.24news.ge

Tbilisidə 4 oktyabr hadisələri üzrə təqsirləndirilən 8 nəfər azadlığa buraxılıb

Digər xəbərlər