აზერბაიჯანის დამოუკიდებლობის დღესთან დაკავშირებით ზერბაიჯანის საელჩოს ორგანიზებით ოფიციალური მიღება გაიმართა

აზერბაიჯანის რესპუბლიკის დამოუკიდებლობის 108-ე წლისთავთან დაკავშირებით, დედაქალაქ თბილისში ოფიციალური მიღება გაიმართა. 24News.ge-ს ცნობით, ღონისძიებას ესწრებოდნენ აზერბაიჯანის ელჩი საქართველოში ფაიგ გულიევი, საქართველოს პარლამენტის თავმჯდომარე შალვა პაპუაშვილი, მთავრობის წარმომადგენლები, დეპუტატები, დიპლომატიური კორპუსი და საზოგადოების წარმომადგენლები. ღონისძიება აზერბაიჯანისა და საქართველოს სახელმწიფო ჰიმნების შესრულებით დაიწყო. ელჩმა ფაიგ გულიევმა თავის გამოსვლაში ხაზგასმით აღნიშნა, რომ აზერბაიჯანის დამოუკიდებლობის გზამ რთული განსაცდელები გაიარა, მაგრამ ხალხის თავისუფლების ნება არ შერყეულა. მან ასევე გაიხსენა, რომ საქართველო დამოუკიდებლობის დღეს 26 მაისს აღნიშნავს და აღნიშნა, რომ ორმა ქვეყანამ მსგავსი ისტორიული გზები გაიარა. თავის გამოსვლაში ელჩმა აღნიშნა ჰეიდარ ალიევის პოლიტიკური როლი თანამედროვე აზერბაიჯანის განვითარებაში და განაცხადა, რომ ამ კურსს წარმატებით აგრძელებს პრეზიდენტი ილჰამ ალიევი. მოგვიანებით, პარლამენტის თავმჯდომარემ შალვა პაპუაშვილმა აზერბაიჯანელ ხალხს დღესასწაული მიულოცა და ხაზი გაუსვა აზერბაიჯანსა და საქართველოს შორის მეგობრული ურთიერთობების წარმატებულ განვითარებას. აღსანიშნავია, რომ ოფიციალური ნაწილის შემდეგ წარმოდგენილი იყო საკონცერტო პროგრამა აზერბაიჯანის დამსახურებული არტისტის, ტაიარ ბაირამოვის ანსამბლის, „რანინას“ კონკურსის მონაწილეებისა და საცეკვაო ჯგუფების მონაწილეობით.

www.24news.ge

სხვა სიახლეები