მარნეულში, გაფრთხილების გარეშე, ზეთის შეცვლის ობიექტები მასობრივად დააჯარიმეს

დღეს, 17 მაისს, გარემოს დაცვის ზედამხედველობის დეპარტამენტის თანამშრომლებმა მარნეულში ზეთის შეცვლის რამდენიმე ობიექტი დააჯარიმეს. 24News.ge-სთვის ინფორმაციის მიმწოდებელი ობიექტების მფლობელების თქმით, უწყების თანამშრომლები ყოველგვარი გაფრთხილების გარეშე მივიდნენ ობიექტებზე და ჯარიმები დააკისრეს. ერთ-ერთმა ობიექტის მფლობელმა ინტერვიუში განაცხადა: „დილით სამინისტროს თანამშრომლები მოვიდნენ და გვკითხეს, როგორ ვიყენებთ ავტომობილებიდან ამოღებულ ზეთებს. ჩვენ ვუთხარით, რომ ზეთებს კონტეინერებში ვაგროვებთ, ვისაც სჭირდება, ვაძლევთ და იყენებენ. მათ კი გვითხრეს, რომ გამოყენებული ზეთების გარემოში გადაყრა საზიანოა და ამიტომ ეს ნარჩენი ზეთები სპეციალურ კომპანიებს უნდა გადავცეთ. გარდა ამისა, გვითხრეს, რომ ავტომობილებიდან ამოღებული ფილტრებიც უნდა გადავცეთ. მოგვიანებით, წესის დარღვევის გამო, ოქმი შეგვიდგინეს. გვითხრეს, რომ ჯარიმას სასამართლო განსაზღვრავს და შესაძლოა, 2 000 ლარამდე ჯარიმა დაგვაკისრონ.“ ობიექტების მფლობელების განცხადებით, გარემოს დაცვის ზედამხედველობის დეპარტამენტის თანამშრომლები დილიდანვე რამდენიმე ობიექტის წინ დგანან და მეწარმეების საქმიანობას სერიოზულ შეფერხებებს უქმნიან.

www.24news.ge

მარნეულში, გაფრთხილების გარეშე, ზეთის შეცვლის ობიექტები მასობრივად დააჯარიმეს

სხვა სიახლეები