Səhiyyə naziri Mixeil Sarjveladzenin əmlakı açıqlanıb

Gürcüstanın işğal olunmuş ərazilərdən olan məcburi köçkünlər, əmək, səhiyyə və sosial müdafiə naziri Mixeil Sarjveladze cari ilin fevral ayında əmlak bəyannaməsini təqdim edib. 24News.ge xəbər verir ki, sənədə əsasən, nazirin adına yalnız bir avtomobil qeydiyyatdadır, digər əmlaklar isə onun həyat yoldaşının adına rəsmiləşdirilib. Bəyannaməyə görə, Mixeil Sarjveladze 2024-cü ildə 10 293 ABŞ dollarına aldığı Lexus NX200t markalı minik avtomobilinə sahibdir. Nazirin həyat yoldaşının adına olan əmlaklar isə aşağıdakılardır: Tbilisidə yerləşən 110 kvadratmetr mənzil – 2025-ci ildə hədiyyə yolu ilə əldə olunub; Mtsxeta rayonunun Navdaraantkari kəndində 1045 kvadratmetr torpaq sahəsi – 2022-ci ildə 22 990 lariyə alınıb; Eyni kənddə 750 kvadratmetr torpaq sahəsi – 2022-ci ildə 16 500 lariyə alınıb; Kaspi bələdiyyəsinin Lavrisxevi kəndində 600 kvadratmetr torpaq sahəsi – 2017-ci ildə miras yolu ilə əldə olunub. Maliyyə məlumatlarına görə, bəyannamənin doldurulduğu vaxt Sarjveladzenin müxtəlif bank hesablarında ümumilikdə 203 150 lari depozit, 33 022 lari və 250 ABŞ dolları cari hesabda və əlavə olaraq 12 500 lari nağd vəsaiti olub. Sənəddə qeyd olunur ki, 2025-ci ildə nazir vəzifəsi üzrə maaş şəklində 119 731 lari gəlir əldə edib. Bundan əlavə, Sarjveladze ötən il 200 min lari məbləğində depozitdən faiz gəliri olaraq 17 123 lari qazandığını da qeyd edib.

www.24news.ge

Səhiyyə naziri Mixeil Sarjveladzenin əmlakı açıqlanıb

Digər xəbərlər