Müxalifət birliyi qiymətlərin aşağı salınması ilə bağlı təkliflərini açıqladı: "1.6 milyard lari xalqın cibində qalacaq"

“Müxalif Alyans” məhsulların qiymətlərinin aşağı salınması və iqtisadiyyatın uzunmüddətli inkişafı üçün atılmalı addımlarla bağlı öz baxışını təqdim edib. 24News.ge xəbər verir ki, bu barədə bu gün keçirilən brifinqdə “Strategiya Ağmaşenebeli” partiyasının lideri Giorgi Vaşadzeyə məlumat verib. O bildirib ki, digər ölkələrdə qiymətlərin sürətli artımı zamanı hökumətlər effektiv addımlar atır, Gürcüstanda isə əksinə, həyat daha da bahalaşdırılır. Onun sözlərinə görə, ilk addım kimi yanacaq üzrə aksiz vergisinin ən azı iki dəfə azaldılması təklif olunur. İkinci addım əlavə dəyər vergisinin (ƏDV) 1 faiz azaldılması, üçüncü addım isə gəlir vergisinin 1 faiz endirilməsidir. Vaşadze qeyd edib ki, bu addımlar bahalaşma şəraitində vətəndaşların cibində 1 milyard 600 milyonun qalması deməkdir: “Əgər xalqa qayğı göstərən siyasi iradəyə malik hakimiyyət olsaydı, digər ölkələrdə olduğu kimi bunu həyata keçirərdi. Qiymətlərin, xüsusilə də yanacağın sürətlə artdığı ölkələrdə hökumətlər dərhal təsirli addımlar atır. Bizdə isə əksinə, həyatı daha da bahalaşdırırlar, cərimələri artırırlar, avtomobillərin gömrük rüsumlarını yüksəldirlər”, – deyə o bildirib. Müxalifət lideri baş verənləri hakim "Gürcü arzusu" partiyasının məsuliyyəti kimi qiymətləndirib və pul emissiyasının bahalaşmaya səbəb olduğunu vurğulayıb. O əlavə edib ki, uzunmüddətli perspektivdə ölkədə qiymət artımının qarşısını almaq və yaşayışın qonşu ölkələrlə müqayisədə daha baha olmaması üçün konkret iqtisadi proqram hazırlanıb. Vaşadzenin sözlərinə görə, bu sənəd hakimiyyətlə müxalifət arasında alternativ yanaşmanı göstərir və vətəndaşlar üçün real güzəştlərin mümkün olduğunu nümayiş etdirir.

www.24news.ge

Müxalifət birliyi qiymətlərin aşağı salınması ilə bağlı təkliflərini açıqladı: "1.6 milyard lari xalqın cibində qalacaq"

Digər xəbərlər