Marneuli və Qardabanidə 4 nəfər saxlanılıb (VİDEO)

Kvemo Kartli Polis Departamentinin Qardabani və Marneuli rayon idarələrinin əməkdaşları tərəfindən qrup halında törədilmiş oğurluq faktı üzrə 4 nəfər saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. Saxlanılan şəxslər 2007-ci il təvəllüdlü İ.İ., 2006-cı il təvəllüdlü L.Q., 2007-ci il təvəllüdlü E.A. və 2006-cı il təvəllüdlü A.M.-dir. İstintaqla müəyyən edilib ki, təqsirləndirilən şəxslər Qardabani və Marneuli bələdiyyələri ərazisində müxtəlif vaxtlarda sürətli ödəniş aparatlarını oğurlayıblar. Onlar bu yolla 10 000 lariyə qədər pul vəsaitini ələ keçiriblər. Hüquq-mühafizə orqanlarının keçirdiyi əməliyyat-axtarış və istintaq tədbirləri nəticəsində şübhəli şəxslər hadisədən qısa müddət sonra saxlanılıb. Faktla bağlı araşdırma Cinayət Məcəlləsinin 177-ci maddəsinin 2-ci və 3-cü hissələri ilə aparılır. Bu maddə 7 ilə qədər azadlıqdan məhrumetmə cəzasını nəzərdə tutur.

www.24news.ge

Marneuli və Qardabanidə 4 nəfər saxlanılıb (VİDEO)

Digər xəbərlər