Quduzluq xəstəliyi səbəbindən Tsalkada karantin elan olunub

6 aprel tarixində Kənd Təsərrüfatı Dövlət Laboratoriyası Tsalka bələdiyyəsində vəhşi heyvanda – tülküdə quduzluq faktını laborator şəkildə təsdiqləyib. Araşdırma zamanı müəyyən olunub ki, quduzluğa yoluxmuş tülkünü dörd sahibsiz it parçalayıb. 24News.ge xəbər verir ki, bu barədə Milli Qida Agentliyi məlumat yayıb. Hadisədən sonra xəstəliyin yayılmasının qarşısını almaq məqsədilə Tsalka bələdiyyəsində yoluxmuş ərazi və risk zonasında karantin elan edilib. Müvafiq qurumlar tərəfindən infeksiya ocağında dezinfeksiya işləri aparılır, həssas heyvanlar peyvənd olunur, heyvanların hərəkətinə nəzarət gücləndirilir, həmçinin yoluxma şübhəsi olan heyvanlar izolyasiya edilərək sığınacaqlara yerləşdirilir. Məlumata əsasən, cari ildə ölkə üzrə artıq 3 quduzluq halı laborator şəkildə təsdiqlənib. Milli Qida Agentliyi əhaliyə müraciət edərək, ev heyvanlarının hər il quduzluğa qarşı peyvənd olunmasının vacibliyini vurğulayıb. Bildirilib ki, sahibsiz heyvanların sayına nəzarət və onların peyvəndlənməsi xəstəliyin yayılmasının qarşısının alınmasında mühüm rol oynayır.

www.24news.ge

Quduzluq xəstəliyi səbəbindən Tsalkada karantin elan olunub

Digər xəbərlər