Hörmüz boğazında artan gərginlik fonunda neftin qiyməti 100 dolları keçib

Dünya bazarında neftin bir barelinin qiyməti 100 ABŞ dollarını keçib. Bahalaşma Hörmüz boğazı vasitəsilə daşımaların uzun müddət dayana biləcəyi ilə bağlı narahatlıqlar fonunda baş verib. 24News.ge xəbər verir ki, bu barədə BBC telekanalı məlumat yayıb. Məlumata görə, Brent nefti markalı neftin qiyməti təxminən 24% artaraq bir barel üçün 114.74 dollara çatıb. Eyni zamanda New York Mercantile Exchange (NYMEX) birjasında Light Sweet tipli neftin qiyməti 26%-dən çox yüksələrək bir barel üçün 114.78 dollar olub. Bildirilir ki, dünya üzrə neft təchizatının təxminən beşdə biri adətən Hörmüz boğazı vasitəsilə həyata keçirilir. Lakin ABŞ-İsrail və İran arasında müharibənin başlamasından sonra boğazda hərəkət demək olar ki, dayanıb. Ekspertlərin fikrincə, regiondan enerji təchizatında yaranan ciddi fasilələr qlobal bazarda qiymətlərin daha da artmasına səbəb ola bilər. Bu isə bütün dünyada həm istehlakçılar, həm də biznes üçün əlavə maliyyə yükü yaradır.

www.24news.ge

Hörmüz boğazında artan gərginlik fonunda neftin qiyməti 100 dolları keçib

Digər xəbərlər