“Sərbəst müzakirə" verlişində parlament üzvü Zaur Darğallı sualları cavablandırır (VİDEO)

24News Tv internet televiziyasında telejurnalist Azər Məmmədovun təqdimatında hər həftə "Sərbəst Müzakirə" verilişi müxtəlif qonaqlarla yayımlanır. Verilişin bu sayında qonaq: Hakim "Gürcü arzusu" partiyasının parlament üzvü Zaur Darğallıdır. Verlişdə deputata ünvanlanan suallar aşağıdakılardır: 1.) Hökumətin ərzaq və yanacaq qiymətləri ilə bağlı yaratdığı komissiya hazırda hansı işləri görür və vətəndaşlar real qiymət fərqini nə vaxt hiss edə biləcəklər? 2.) Hazırda ölkədə korrupsiya ilə mübarizənin aparıldığını müşahidə edirik. Hətta hökumətə yaxın şəxslərin və keçmiş yüksək rütbəli məmurların da məsuliyyətə cəlb olunduğunu görürük. İndiyə qədər bu qədər sərt addımlar atılmırdı. Nə səbəb oldu ki, hökumət belə sərt tədbirlər görmək qərarına gəldi və bu proses davamlı ola bilərmi? 3.) Audit Xidməti bu il bir sıra bələdiyyələrdə araşdırmalar aparacaq. Sözügedən siyahıda Marneuli və Qardabani də yer alır. Sizcə, bu bələdiyyələrdə korrupsiya faktları aşkar edilə bilərmi? 4.) Marneulinin yeni seçilmiş meri ilə münasibətlər necədir və birgə fəaliyyət aparılırmı? 5.) Marneuli şəhərində mövcud yol infrastrukturunun bərpası bu ilin sonunadək tam şəkildə həll oluna bilərmi? 6.) Müxalifət və bir sıra ekspertlər Zəngəzur dəhlizi (TRIPP) layihəsinin Gürcüstanın tranzit potensialını zəiflədəcəyini, ölkənin əsas layihələrdən kənarda qalacağını iddia edirlər. Bu fikirlərə münasibətiniz necədir? 7.) Gürcüstan-Qərb münasibətlərində yaranan soyuqluq ölkənin siyasi və iqtisadi vəziyyətinə mənfi təsir göstərə bilərmi? 8.) Regionumuzda bu il hansı iri miqyaslı layihələrin həyata keçirilməsi nəzərdə tutulur? İctimai maraq doğuran mövzuların müzakirə edildiyi və müxtəlif baxış bucaqlarının təqdim olunduğu "Sərbəst Müzakirə" verilişini sizə təqdim edirik.

www.24news.ge

“Sərbəst müzakirə" verlişində parlament üzvü Zaur Darğallı sualları cavablandırır (VİDEO)

Digər xəbərlər