Marneulidə "Kəsik Təpə" abidəsinin turizm və infrastruktur inkişafı müzakirə edilib (VİDEO)

Mədəni İrsin Qorunması üzrə Milli Agentliyin baş direktoru Tea Oninai, Milli Muzeyin direktoru Davit Lortkipanidze, Kvemo Kartli qubernatoru İlia Calaxaniya, Marneuli meri Daur İsmayılov, bələdiyyə sədri Amiran Qiorqadze və yerli icra rəhbərləri Marneuli bələdiyyəsinin İmir kəndində, neolit dövrünə aid hesab edilən "Kəsik Təpə" adlı arxeoloji abidəni ziyarət ediblər. 24News.ge xəbər verir ki, qonaqlar və yerli hökumət nümayəndələri tarixi-mədəni əhəmiyyətli "Kəsik Təpə" adlı arxeoloji abidənin turizm və infrastruktur potensialının inkişafı ilə bağlı məsləhətləşmələr aparıblar. Qeyd olunub ki, sözügedən arxeoloji kompleks böyük turizm imkanlarına malikdir. 2015-ci ildən bəri burada aparılan arxeoloji tədqiqatlar zamanı eramızdan əvvəl VI-cı minilliyə aid qədim şərab qabları aşkar edilib. Kompleks tədqiqatlar göstərib ki, insanlar təxminən 8000 il əvvəl Gürcüstan ərazisində vəhşi üzüm növlərini uyğunlaşdıraraq şərab istehsal ediblər. Bildirilib ki, tapıntılar, Gürcü arxeoloqları ilə birgə Toronto Universitetinin ekspedisiyası tərəfindən kəşf olunub və Marneulini, eləcə də Gürcüstanı dünya səviyyəli mədəni və turizm mərkəzlərindən birinə çevirib. Hazırda ərazidə muzey kompleksi tikilib və hər il arxeoloji ekspedisiyalar həyata keçirilir. Mövzu ilə bağlı daha ətraflı xəbər portalımızın əməkdaşlarının hazırladığı reportajı təqdim edirik:

www.24news.ge

Marneulidə "Kəsik Təpə" abidəsinin turizm və infrastruktur inkişafı müzakirə edilib (VİDEO)

Digər xəbərlər