Müəllim və təhsil işçilərinin şagirdə qarşı zorakılığı ilə bağlı qanun layihəsi dəyişdirilib

Parlamentin Təhsil və Elm Komitəsinin iclasında, "Ümumi təhsil haqqında" qanun layihəsinin ikinci oxunuşunda müəllim və digər təhsil işçilərinin şagirdə qarşı zorakılığa reaksiyası məsələsinin qanunla deyil, qanunvericilik aktı ilə tənzimlənməsi təklifi müzakirə edilib. 24News.ge xəbər verir ki, yeni təklifə əsasən, şagirdə qarşı zorakılığa görə müəllim və təhsil müəssisəsinin digər işçilərinin müqaviləsi ləğv olunduqda, həmin şəxsə 3 il müddətinə ümumi təhsil müəssisəsində işləmək hüququ verilməməsi nəzərdə tutulurdu. Lakin komitə iclasında bu 3 illik məhdudiyyətin qanundan çıxarılması və məsələnin Təhsil və Elm Nazirliyinə həvalə olunması barədə qərar qəbul edilib. Təhsil və Elm Nazirliyinin müvafiq məsələ ilə bağlı müzakirələr apardığını bildirən nazir müavini Zviad Qabisonia, məsələnin qanunaltı normativ aktla tənzimlənəcəyini və bu yanaşmanın daha effektiv olacağını vurğulayıb. O, həmçinin qeyd edib ki, belə bir tənzimləmə, monitorinq prosesini asanlaşdıracaq və lazım gələrsə, dəyişikliklər daha sürətlə həyata keçiriləcək. Qanun layihəsinin parlamentdə təcili müzakirəyə çıxarılacağı və məktəblərlə bağlı yeni təşəbbüsləri əhatə edəcəyi də bildirilir. Qanun layihəsini Təhsil və Elm Nazirliyi hazırlayıb.

www.24news.ge

Müəllim və təhsil işçilərinin şagirdə qarşı zorakılığı ilə bağlı qanun layihəsi dəyişdirilib

Digər xəbərlər