Baş nazir İrakli Qaribaşvilinin həbsi ilə bağlı jurnalistlərin suallarını cavablandırıb

Baş nazir İrakli Kobaxidze ölkənin sabiq Baş naziri İrakli Qaribaşvilinin saxlanılması ilə bağlı mövqeyini açıqlayıb. 24News.ge xəbər verir ki, Kobaxidze bildirib ki, insani baxımdan baş verənlər onun üçün çox təəssüf doğurur. Baş nazirin sözlərinə görə, məsələ tam şəkildə ədliyyənin səlahiyyətinə daxildir və o, bu mövzu ilə bağlı əlavə şərh verə bilməz: “Baş verənlər ədliyyənin işidir. Bir daha təkrar edirəm ki, insani baxımdan bu hadisə mənim üçün çox təəssüf doğurur”, – deyə Kobaxidze qeyd edib. Qeyd edək ki, İrakli Qaribaşvili külli miqdarda qanunsuz gəlirlərin leqallaşdırılmasında ittiham olunub. Prokurorluq sabiq baş nazir ilə prosessual razılaşma imzalayıb. Razılaşmaya əsasən, Qaribaşvili 5 il müddətinə azadlıqdan məhrum edilib və ona 1 milyon lari məbləğində cərimə kəsilib. Qaribaşvili bu gün Rustavidəki 12 saylı cəzaçəkmə müəssisəsinə köçürülüb.

www.24news.ge

Baş nazir İrakli Qaribaşvilinin həbsi ilə bağlı jurnalistlərin suallarını cavablandırıb

Digər xəbərlər