Tramp yenidən İran rəsmilərinə səslənib: "Hökümət qətllərə başlayarsa, müdaxilə edəcəyik"

ABŞ Prezidenti Donald Tramp bildirib ki, İran hakimiyyəti insanların qətlə yetirilməsinə başlayacağı təqdirdə ABŞ prosesə müdaxilə edəcək. 24News.ge xəbər verir ki, o, bu barədə Ağ Evdə neft və qaz şirkətlərinin rəhbərləri ilə görüş zamanı açıqlama verib. Donald Trampın sözlərinə görə, İran hazırda ağır vəziyyətdədir və ölkədə gözlənilməz proseslər baş verir. Prezident qeyd edib ki, bəzi şəhərlərdə insanlar nəzarəti ələ almağa başlayıb və bu, bir neçə həftə əvvəl heç kimin təsəvvür etmədiyi bir vəziyyətdir: “Vəziyyəti çox diqqətlə izləyirik. Bu xəbərdarlığı əvvəllər də etmişəm: əgər İran hakimiyyəti əvvəlki kimi insanların qətlə yetirilməsinə başlasa, ABŞ müdaxilə edəcək”, – deyə Tramp vurğulayıb. ABŞ prezidenti əlavə edib ki, İranda “indiyədək görünməmiş hadisələr” yaşanır və etirazçıların təhlükəsizliyi ciddi risk altındadır. O, İran rəhbərliyinə müraciət edərək atəş açmamağa çağırıb və xəbərdarlıq edib ki, zorakılıq halında ABŞ da cavab verəcək. Qeyd edək ki, İranda etiraz aksiyaları təxminən iki həftə əvvəl milli valyutanın kəskin ucuzlaşmasına etiraz olaraq başlayıb. Aksiyalar ölkənin 20-dən çox vilayətini əhatə edib. Məlumata görə, etirazlar zamanı azı 34 etirazçı və təhlükəsizlik qüvvələrinin 8 əməkdaşı həlak olub, 2 270 nəfər saxlanılıb.

www.24news.ge

Tramp yenidən İran rəsmilərinə səslənib: "Hökümət qətllərə başlayarsa, müdaxilə edəcəyik"

Digər xəbərlər