Mixeil Kavelaşvili: Rusiya hökuməti ilə hər hansı bir əlaqəmizin olduğunu təsdiqləyən heç bir fakt yoxdur

Rusiya hökuməti ilə hər hansı bir əlaqəmizin olduğunu təsdiqləyən heç bir fakt yoxdur. 24News.ge xəbər verir ki, bu sözləri Gürcüstan prezidenti Mixeil Kavelaşvili Deutsche Welle-yə verdiyi müsahibəsində deyib. Prezidentin sözlərinə görə, hakim partiya vəd edib ki, Gürcüstan əhalisi müvəqqəti olaraq itirilmiş ərazilərdəki qardaş və bacıları ilə birlikdə vahid dövlətdə yaşayacaq. "Əlbəttə ki, biz müvəqqəti olaraq itirilmiş hesab etdiyimiz ərazilər, hələ də orada yaşayan insanlar haqqında düşünürük. Biz onları özümüzə qardaş və bacı hesab edirik. BMT Assambleyasında qeyd etdiyim kimi, hakim partiya söz verdi ki, vaxt gələcək vahid dövlətdə birlikdə yaşayacağıq. Əvvəlki kimi inkişaf etməyə və bir-birimizə qayğı göstərməyə davam edəcəyik."- deyə Kavelaşvili bildirib. Jurnalistin hökumətin siyasətində Moskvaya çox yaxın olduğunu deyən tənqidçilərə nə deyəcəyi barədə sualına prezident qeyd edib ki, Gürcüstanın siyasəti onun milli maraqlarına əsaslanır. "Bütün dünya Rusiyanı dayandırmaq üçün motivasiya olunub. Rusiya ilə münasibətlərimiz aqressiv olarsa, ərazilərimizi necə geri ala biləcəyimizi düşünürsünüz? Ərazilərimizi geri almağın başqa yolu varmı? Biz NATO üzvü deyilik, NATO bundan imtina edib. Biz də Avropa İttifaqının üzvü deyilik. Diqqətlə baxsanız, siyasətimiz, hökumətimizin siyasəti praqmatik, balanslı və real modellərə əsaslanır. Dəstəksiz qaldığımız bir vaxt var idi və siyasətimiz bu uğursuz təcrübədən qaynaqlanır. Bizim siyasətimiz milli maraqlarımıza əsaslanır", - deyə Gürcüstan Prezidenti bildirib.

www.24news.ge

Mixeil Kavelaşvili: Rusiya hökuməti ilə hər hansı bir əlaqəmizin olduğunu təsdiqləyən heç bir fakt yoxdur

Digər xəbərlər