Polşa Gürcüstan vətəndaşları üçün sadələşdirilmiş iş vizasının verilməsini ləğv edir

1 dekabr tarixindən etibarən Gürcüstan vətəndaşları üçün Polşada çalışma icazəsinin alınması ilə bağlı tətbiq olunan sadələşdirilmiş prosedurlar ləğv edilir. 24News.ge xəbər verir ki, bu barədə məlumatı Polşanın Ailə, Əmək və Sosial Siyasət Nazirliyi yayıb. Məlumata görə, 25 noyabrda qəbul edilən sərəncama əsasən, gürcüstanlı işçilər Polşada çalışma icazəsi əldə etmək üçün bundan sonra standart prosedurlardan keçməli olacaqlar. Qeyd olunur ki, indiyədək işəgötürən tərəfindən xüsusi deklarasiyanın doldurulması və onun elektron şəkildə nazirliyə göndərilməsi kifayət edirdi. Sərəncamda həmçinin bildirilir ki, hazırda sadələşdirilmiş icazədən istifadə edən şəxslər sənədin müddəti bitənədək ondan yararlana biləcəklər. Hər bir belə icazənin maksimal etibarlılıq müddəti 2 ildir. Nazirlik açıqlayıb ki, sadələşdirilmiş qaydalar bundan sonra Ermənistan, Belarus, Moldova və Ukrayna vətəndaşlarına şamil olunacaq. Gürcüstan isə müvafiq siyahıdan çıxarılıb.

www.24news.ge

Polşa Gürcüstan vətəndaşları üçün sadələşdirilmiş iş vizasının verilməsini ləğv edir

Digər xəbərlər