Azərbaycandan Gürcüstana gətirilən 80 milyon lari dəyərində heroin ələ keçirilib (VİDEO)

Hüquq-mühafizə orqanları tərəfindən həyata keçirilən genişmiqyaslı əməliyyat nəticəsində 250 kiloqram "heroin" aşkar edilib. 24News.ge xəbər verir ki, bu barədə Daxili İşlər Nazirinin müavini Aleksandr Daraxvelidze açıqlama verib. O bildirib ki, sözügedən maddənin qara bazar dəyəri təxminən 80 milyon lari təşkil edir. Təhqiqatın nəticələrinə görə, əməliyyatda Gürcüstanın iki vətəndaşı saxlanılıb. Hər iki şəxs narkotik cinayətlərinə görə əvvəllər məhkum olunmuş şəxslərdir. Daraxvelidze bildirib ki, əməliyyat beynəlxalq narkotik ticarətinin qarşısının alınması istiqamətindəki uğurlu bir addım olub. Əməliyyat zamanı polis, Batumi şəhərində yerləşən İqtisadi Zona ərazisində bir yük maşınını yoxlayıb. Yük maşını, gömrük sənədlərinə görə, "yaş salfet"lərlə dolu olub və qonşu ölkədən "Qırmızı Körpü" gömrük buraxılış məntəqəsindən Gürcüstana daxil olub. Yoxlama zamanı "yaş salfet" paketləri arasında gizlədilmiş 250 kiloqram narkotik vasitə olan "heroin" aşkar edilib. Narkotiklər 2,907 paket şəklində gizlədilib. Hüquq-mühafizə orqanları tərəfindən aparılmış əlavə axtarışlar zamanı şübhəlilərdən birinin evində də 2 paket "heroin" tapılıb. Əməliyyat Mərkəzi Kriminal Polis Departamentinin əməkdaşları, Baş Prokurorluq və Maliyyə Nazirliyinin Gömrük Departamentinin əməkdaşları ilə birgə həyata keçirilib. Əməliyyatın məqsədi narkotik cinayətlərində iştirak edən şəxsləri müəyyənləşdirərək hüquqi məsuliyyətə cəlb etməkdir. Faktla bağlı Cinayət Məcəlləsinin 260-cı və 262-ci maddələri ilə araşdırma başladılıb. Saxlanılan şəxsləri 20 il və ya ömürlük həbs cəzası gözləyir.

www.24news.ge

Azərbaycandan Gürcüstana gətirilən 80 milyon lari dəyərində heroin ələ keçirilib (VİDEO)

Digər xəbərlər